Оспанбаев Жұмағали ағамызбен мектеп ұйымының ұйымдастыруымен «Туған жерге тағзым» «Еңбек -ерлікке жеткізер, Елдік ерлікке жеткізер» тақырыбында кездесу кеш өткізілді.

Қабылбек  Сарымолдаев атындағы № 12 ЖОББМ –де 2022 жылдың  мамыр айының 20 шы жұлдызында  Ойтал ауылының тумасы  ауыл шаруашылығы ғылымдарының докторы, профессор Оспанбаев Жұмағали ағамызбен мектеп ұйымының ұйымдастыруымен «Туған жерге тағзым» «Еңбек  -ерлікке жеткізер, Елдік ерлікке жеткізер» тақырыбында кездесу кеш өткізілді.

Мақсаты: Өз жерімізден шыққан көрнекті азаматтарымызды  ұрпақтарға үлгі- өнеге ету, оқушыларға мамандықты дұрыс таңдау, олардың әдіс- тәсілдері туралы білімдерін түсініктерін кеңейту, өзің ұнатқан кәсіп егесі болуға ынта-ықыласын арттыру.

Абай атамыз айтқандай: « Неге арналсаң соны істе» деп, қашанда адам өмірдегі орнын өз таңдауы мен  тапқан жөн. Кездесу кеш барысында оқушылар ауыл шаруашылығы ғылымдарының докторы, профессор Ж. Оспанбаев  ағамызға өздерінің ойларындағы  сұрақтарын қойып пікір алмасты.

Профессор Жұмағали Оспанбаев ағамыз өзінің   70 жасында жаңа идеялармен қуантуда, тікелей себу және тамшылатып суару негізінде  ауылшаруашылық   дақылдарын өсірудің  табиғат қорғау технологияларын жасау бойынша  әлемдік деңгейдегі  жаңа зерттеулерге  ерекше ден қойып отыр . Осы орайда, ағамызға шын жүректен  мықты денмаулық, ұзақ та баянды  ғұмыр және шығармашылық табыс тілейміз.