«Қазақ балалар әдебиетінің жазушылары» тақырыбында танымдық сағат өткізілді

Қабылбек Сарымолдаев атындағы №12 жалпы орта білім беретін мектебінде бастауыш сынып оқушыларына  арналған «Қазақ балалар әдебиетінің жазушылары» тақырыбында танымдық сағат өткізілді.
Шараның мақсаты – оқушыларды қазақ балалар әдебиетінің көрнекті жазушыларымен таныстыру, олардың шығармалары арқылы кітап оқуға деген қызығушылығын арттыру.
Танымдық сағат барысында оқушыларға қазақ балалар әдебиетінің белгілі өкілдері – Бердібек Соқпақбаев, Мұзафар Әлімбаев, Әбділда Тәжібаев, Ыбырай Алтынсарин туралы мәліметтер берілді. Жазушылардың балаларға арналған шығармалары таныстырылып, үзінділер оқылды.