Педагогтарді аттестаттаудан өткізу қағидалары мен шарттары бойынша аттестаттаудың өзгерістерІмен, түсіндіру жұмыстары

Қабылбек Сарымолдаев атындағы №12 жалпы орта білім беретін мектебінде 2024 жылдың 12 наурыз күні Қазақстан Республикасы Оқу-ағарту Министрлігінің тапсырмасына сәйкес, педагог қызметкерлері мен білім беру ұйымдарында жұмыс істейтін педагогтерді аттестаттаудан өткізу қағидалары мен шарттарын бекіту туралы оқыту семинары ұйымдастырылып,түсіндіру-ақпараттық жұмысы жүргізілді.
Мектеп директоры И.Ш.Алимхожин Қазақстан Республикасының Білім және ғылым министрінің 2016 жылғы 27 қаңтардағы №83 бұйрығымен бекітілген «Мектепке дейінгі тәрбие мен оқытуды,бастауыш, негізгі орта білімнің жалпы білім беретін оқу бағдарламаларын және арнайы оқу бағдарламаларын іске асыратын білім беру ұйымдарында жұмыс істейтін педагогтерді және ғылым саласындағы басқа да қызметшілерді аттестаттаудан өткізу қағидалары мен шарттары» туралы, Қазақстан Республикасы Оқу-ағарту министрінің бұйрығына енгізілген өзгерістер туралы педагог қызметкерлерге толық мәліметтер беріп,түсіндіріп өтті. «Шебер ұстаз-табысты оқушы» тақырыбында слайдтар көрсетіліп,аттестаттау барысы туралы ,өтпелі кезеңдегі аттестаттау шарттары мен тәртібі, «Ұстаз» платформасы, педагогтің үздіксіз кәсіби дамуының ұлттық платформасы,аттестатталатын педагог іс-әрекетінің қадамдары туралы жаңашылдықтар мен өзгерістер жайлы толық ақпараттар берді.