“Графика. Төрт түлік” тақырыбында ашық сабақ өтті.

Қабылбек Сарымолдаев атындағы №12 ЖОББМ  бастауыш сынып мұғалімдерінің өзара тәжірибе алмасуы мақсатында 2025 жылдың 13-31 қаңтар аралығындағы аудандық “Сапалы білім тиімді жоспар, нәтижелі сабақ” жобасы мақсатында іс -шаралар жоспарына сәйкес 16 қаңтар күні көркем еңбек пәнінің мұғалімі Г. Мамытбекова  3 сыныпта бейнелеу өнері пәнінен “Графика. Төрт түлік” тақырыбында ашық сабақ өтті. Сабақтың мақсаты: білім алушыларға графика өнерінің ерекшеліктерін түсіндіру және төрт түлік туралы көркемдік образдарын жасау,сурет салу  дағдыларын дамыту. Бірлік пен ынтымақ, табиғатқа деген сүйіспеншілік құндылықтарын бойларына дарыту. Сабақ барысында  топтық, жұптық тапсырмалар орындалып, төрт түліктің бейнесін дұрыс салу үшін қадамдар мен тәсілдер көрсетілді. Білім алушылар өздері таңдаған төрт түлік бейнесін графиканың мәнерлі құралдарын қолдана отыра сурет салды. Сабақ соңында үздік орындалған жұмыстардан шағын көрме ұйымдастырылды.