«31 мамыр күні саяси қуғын-сүргін және ашаршылық құрбандарын еске алу күні»
Қабылбек Сарымолдаев атындағы №12 жалпы білім беретін орта мектебінде «31 мамыр күні саяси қуғын-сүргін және ашаршылық құрбандарын еске алу күні» атап өтілді. Саяси қуғын-сүргін және ашаршылық құрбандарына арналған ескерткішке ауыл ақсақалдары Уәли Қырғызбаев, Асқаналы Шажағұлов гүл шоқтарын қойды. Ауыл имамы Жанболат Олжабаев саяси қуғын-сүргін және ашаршылық құрбандарына құран бағыштады. Уәли Қырғызбаев атамыз оқушыларға саяси қуғын-сүргін туралы мағлұматтар беріп, тың деректермен таныстырды.
Ресми деректер бойынша КСРО-да 3,77 млн адам сталиндік репрессия құрбаны болған. Олардың 500 мыңы атылса, қалғандары – 25 жылға дейін бас бостандықтанынан айырылған.
Бүгінгі таңда 1921-1954 ж. Аралығында 103 мың адам қуғын-сүргінге ұшырап, олардың 25 мыңнан астамы атылған.
Елімізде бүгінгі таңда 345 мың заңсыз қуғындалған адам ақталды. Олардың ішінде Қазақстанға жер аударылған бар.
«31 мамыр күні саяси қуғын-сүргін және ашаршылық құрбандарын еске алу күні» жыл сайын мектебімізде атап өтіледі.
